БЕСТ Скопје Блог

Само енергијата од луѓето може да те промени! 2 години од доаѓањето на Римјаните во МКД!

2009-12-02T11:17:00.002+01:00

Еј луѓе,

Не знам дали баш на денов или за два-три наредни, ама сигурна сум дека правиме две години од кога беа Римјаните тука =) Да, се сеќавам на детали, се уште, зошто тоа е нештото што ме остави во БЕСТ. Не знам како, знам зошто, ама едноставно тогаш Ве запознав повеќето, секој на различен начин, со различни свртени муабети, со различен пристап... ;)

И прекрасно ми беше! И баш поради тоа сум инспирирана да го напишам ова. Да Ви пратам од мојата најпозитивна енергија за убаво расположение.

Се сеќавам на дочекот на луѓето на автобуска и колку бев незаинтересирана за нив, зошто беа пред се странци, неинспиративни за мојата НЕжелба да зборувам англиски =) Се сеќавам на заминувањето во Охрид и колку си чувствував грижа на совест што се пријавив да одам, а во БЕСТ бев само две-три недели. Се сеќавам како со поглед ги барав Софи, Кузо, Васе, во метежот од луѓе, зошто само нив ги знаев, а желба за нови луѓе тешко ми се јавуваше. Ете доказ дека и со лоша суровина, а добра технологија може да се добие добар производ =)))

...Се сеќавам на моето “точно на време“ доаѓање во канц. ама не знаев дека таму вечно се доцни. И немаше никој, јас си се мрзнев. Софи ми јави со порака да го земам клучот од старото скришно место, ама кога влегов внатре и видов какво е, се откажав и решив да си седам надвор, на свеж воздух =) Во канц ги запознав Дејан, Илина и Филип... Сите ми изгледаа како стари БЕСТ-овци. Се осеќав изгубено, ама природата ми налагаше да не се замарам.;)

...Се сеќавам колку сите се замараа кој ќе се вози во комбето, кој во новата кола на Нино...=) Јас бев среќна што за мене имаше место пазарено кај Софи. Немаше потреба да се смешкам и да се правам фина, додека се возам со непознати луѓе =) Се сеќавам на Стража и на борбата со топки. Јас млада и невина =р зошто не сакав да пружам отпор и да бидам и плус лигава, оставив да ме маваат со топки. Единствено што правев е што дигав нога, рака колку да не ме погоди топката. Ама од местото не се помрднував... Се сеќавам на моето запознавање со Симоне, иако не беше на моја иницијатива. Со овој момент се померив чекор нанапред и сега знаев 1 од 12 странци =). Среќа што типот изјави желба да ме дружи, зошто имавме исти имиња... Се сеќавам на зборот “сонцесто“ и на Џо, пирошките и мекиците на стража... :Ѕ Пардон!

Се сеќавам како бев оставена да си бирам со кој да спијам во црквата, а мене Софи ми ја немаше. Другите не ги знаев. Мало ме изигнорира, затоа и ја мразев =) Но, си добив прилика да се здружам со Блаже, па си спиевме во исто шкафче (собите ми личеа на шкафчиња). Се сеќавам на првата забава во диското, кога и самата си се чудев на себе си како сум толку опуштена и играм :о Се сеќавам на запознавањето со Ана, со Нино, со Алек... Барав начин да си докажам дека Ана е презабавна и позитивна како што предходно ми ја збореа, барав начин да го замуабетам Нино, зошто ми изгледаше на многу мистериозен...

Се сеќавам на вечерата во Езерце, кога дојдов, зошто Софи ме натера... И како орли ми се навртеа БЕСТ-овциве наши за да ми кажат колку им е мило што се дружам со нив... Фала, ќе го дознаев тоа и од насмевка на лицето =р Знам на Џо му беше роденден (мислам дека вечерта), а тој изгледаше толку меланхолично, што ТОА ми беше идејата да му дадам поклон, несекојдневен...=) Ништо друго...! И се сеќавам како го подготвував поклонот, па колку ми беше незгодно да му го дадам, зошто едноставно можев да бидам погрешно сфатена, што не ми беше во прилог =) Се сеќавам и како после таа вечер, ме тргнаа многу луѓе на страна за да ме прашаат од кај ми текнало да направам таков поклон, па уште и од каде инспирација да му го дадам нему... =р

Се сеќавам на Интернационалната вечер, кога од милион гости, Данче дојде мене да ме праша дали сакам да ја претставам МКД-ската маса...?!?!?... Секако дека на погрешно место се упатуваш =))) Јас не зборам англиски пред луѓе! Само на само! =р Таа вечер ВИДОВ најголем дел од луѓето со кои денес сум во постојан контакт.

Се сеќавам на лизгалиштето. За Симоне немаше број на лизгалки, па со чевли си стапкаше по мразот... Се сеќавам на вечерта во Хазард... Колку само не сакав да се дружам со нови фаци, а секаде бев со Вас =) Каква е таа енергија што ме терала... Вечерта во Б2... И таму бев присутна. Не пиев пиво, а добивав гага пијачки, па морав да ги делам на Џо, Ана, Блаже... Луѓето што беа околу мене ;)

Ах колку убаво ми беше. И секогаш ќе го раскажувам со невидена енергија... Од тогаш почна СЕ, што денес е причина да бидам ова што сум!!! Дојдов како сурово, неатрактивно девојче, незаинтересирано за луѓето, а како завршив - нека си дефинира секој сам ;)

Ве секам луѓе и посакувам исти чувства, со нови познаства, во нова средина ;)
Симона Ангелеска

Среќен почеток академци!!! =)

2009-09-20T17:39:00.000+02:00

Инспирирана пред се од луѓето, а потоа од сите придобивки што како луѓе ги добиваме од БЕСТ, одвојувам неколку минути од животот да искуцам неколку реда реченици и да Ви посакам успешен старт и тек на новата академска година, на сите оние што сеуште го држат индексот во рака. Останатите - потсетете се за момент колку биле убави тие студентски денови =)

Имам да кажам милион работи што ги чувствувам за БЕСТ и што за секогаш ќе бидат сместени во стаклените витрини на мојот живот, без никој да смее да ги оштети =)

Драги мои, јас започнав пред точно две години и секој поминат ден во канц. и секоја помината минута со некој од Вас, ми претставува читање на нова и нова енциклопедија... И не жалам за потрошеното време, за потрошената енергија, за потрошените километри, потрошениот сјај за правење меурчиња, потрошениот тутун за наргилето, за поделените сендвичи, јаготки, кафиња, бисквитки со мармалад со познатите или непознатите, со пожелните или непожелните персони... Не жалам за ниту една забава, ниту еден роденден, ниту еден конфликт... И ќе тапацираме и ќе кречиме, и ќе го шетаме градов на 40 степени или со снег до коленици, и ќе пијуцкаме ракиичка со чуварот, ќе си се качуваме на маси по кафани, ќе се сакаме, ќе шетаме низ Европа, ќе се товиме со скара... Зошто тоа е најубавото нешто што БЕСТ ни го пружа и останува секогаш во мемориите да се раскажува.

Му благодарам на семоќниот што ми го “попречил“ патот со БЕСТ, зошто од тука излегувам како зрела личност спремна да се соочи со нормалните секојдневија во животот.

Ве сакам СИТЕ без исклучок!!!
Симона Ангелеска
// се надевам во новата група на клинци, конечно ќе има некој што е помал од мене, па со чест да му ја доделам титулата “Малечка“, што со гордост ја носам цели 2 години =)))

Се заврте!

2008-12-27T17:38:00.013+01:00

Да... се заврте и се вративме на почетокот - или пак на крајот, зависи како гледаме?! ;)

Пред неколку години, така случајно испадна да влезам во еден музеј и по година дена шетање низ него, најдов една слика. Доста интересна на прв поглед. Инако не ми беше многу јасна сликата од почетокот, одма осетив некој извор на топлина и пријатност. Затоа решив да се посветам на неа и да одвојам време добро да ја проучам, разберам... а бидејки уште не беше довршена, да можам и јас да оставам некоја трага.

И малку по малку, почнав да гледам од едно до друго ќоше и да ги разоткривам мотивите и идеите. И со секое навраќање на неа, нешто ново откривав. Но не бев сам, имаше и други луѓе до мене кои гледаа... некои уште од почетокот се збунија и продолжија кон друга слика. Некои пак воопшто се откажаа и си излегоа од музејот. Сепак, убавото беше што зад сликата стоеја и други луѓе кои ни помагаа да ја разбереме, да сватиме кој автор што сакал да каже и зошто на тој начин. Морам да признаам, често пати само климав со главата дека ги разбирам, иако на почетокот морав само да голтам се и да се отворам кон нивното толкување и да го прифатам.

Со тек на време навистина почнав да ја разбирам сликата и како што дел од паметните луѓе си одеа, така и јас застанав од еден агол на сликата, па пополека, проучувајки ја сликата во детали, да им ја објаснувам и на новите луѓе кои стоеа пред неа. Како и во почетокот, некои се интересираа да дознаат повеќе но откако ќе навлезеа во деталите, се испашија и си отидоа. Други одма си отидоа... но имаше и такви како мене и другите што седеа до мене - кои решија да продолжат да ја проучуваат сликата. А сликата - чист импресионизам! Кој како си ја сваќаше, така ја толкуваше за себе, но и така им ја објаснуваше на другите. Затоа, понекогаш беше тешко да се свати и оформи сеопфатно мислење за сликата.

И дојде време кој јас и другите луѓе што со мене ја проучуваа сликата, да застанеме позади неа и да бидеме тие кои ќе ги подучуваат новите дечки. И тогаш малку е чудно зошто баш во таа позиција, позади сликата - ти ја добиваш четката и треба да ја дополниш истата. Ја шлапаш сликата и им објаснуваш на новите, но поради тоа што сите ја гледаат сликата од разни агли, честопати не се согласувавме за детали... но сликањето продолжи!

Дојде и време кога и јас почнав да се поместувам кон другиот агол на сликата, оставајки ја сега на новите експерти - тие да ја земат четката, да сликаат и да им објаснуваат на новите. Е тогаш, голема збунка! Дури сега сваќаш дека навистина зборите за различни делови од сликата. Па и за боите - сега од страна подобро се гледаат и воочуваш дека некои комбинации не одат, па само им дофрлуваш да ги поправат смесите.

На крај, пак застануваш пред сликата - но сега ја имаш видено од сите страни. Сега пак си на почетокот - но сега се ти е многу појасно. Сега само се повлекуваш 2-3 чекори од сликата и доаѓаш во старото друштво на паметни луѓе кои на почетокот почнаа да те туторат. Гледаш како на сите им е јасна сликата - на свој начин и понекогаш, кога некој нешто ќе наслика ново, ќе прокоментираат.

Но сега за мене и за нив има други слики за проучување и сликање... затоа, ајде да завртиме уште некоја! ;)

Поздрав!
Васе

П.С. Проследете го и видеото за мало појаснување на сликата :Þ

Zabava po povod pocetok na ucebna godina

2008-10-08T19:11:00.002+02:00

Zdravo na site...
Otkako se stisaa bukite okolu upisuvanje na semestri ajde site zaedno da go proslavime pocetokot na uste edna akademska godina vo koja BEST kje se potrudi da zadovoli pogolem broj na studenti.

Zabavata e zakazana vo: B2 na 12ti Oktomvri 2008 (Nedela) so pocetok vo 23 casot...

Gratisi moze da se zemat od kancelarija ili od finite nasi clenovi koi kje delat po fakulteti utre/zadute!!!

Napomena: So 1 gratis moze da vlezat 2ca taka da zemete si brakja/sestri, devojki/deckovci, drugari/drugarki, kolegi/koleski...

BEST Hot Chilly Peppers

2008-10-03T00:50:00.002+02:00

Бидејќи бев само првиот викенд на нашиот прв опуштен настан, решив да споделам слики пред да дојде самиот крај на настанот. Па на

http://picasaweb.google.com/blazeiliev/BESTHotChillyPeppers2008

може да видете како тоа странците прават ајвар. Секако со наша помош. Нема да должам многу, на крај ќе кажам само како за прв пат организирање на ваков настан, излезе доста успешно и се надеваме сите учесници ќе си отидат задоволни дома. Секако со 2-3 тегли ајвар во куферите.

поз, Blaze of Glory

Ден на Слободниот Софтвер 2008

2008-10-02T21:01:00.004+02:00

И ова година Слободен софтвер Македонија ја организира прославата на Денот на слободниот Софтвер. Прославата ќе се одржи во културниот центар Точка и на плоштадот Македонија во Скопје во сабота 04.05.2008.
Повеќе информации на http://wiki.lugola.net/SFD2008

Summer JAM 2008, Veszprem

2008-08-30T13:59:00.004+02:00

Оваа година за прв пат во БЕСТ се организираше летно Џамбори во Веспрем, Унгарија. А како беше таму, може и самите да видете. Во прилог има една слика и линк кон останатите. Четири дена со плажа, забава, журки и без никакви обврски. 120 луѓе од цела Европа. Интернационална вечер претставена од 20 различни земји, многу многу пиење и секако целиот настан во тематика на карибските острови. Мора да кажам дека со секое следно Jamboree расте ентузијазмот, задоволството, бројот на познати луѓе и желбата да се оди на следното. Па затоа се надевам ќе ми се придружите и на следниот JAM, 6-8 декември во Мадрид, Шпанија.

Блаже

линк со слики:

http://picasaweb.google.com/blazeiliev/SummerJAM

Greetings from Copenhagen

2008-08-12T17:04:00.002+02:00

Hey everyone!

I am Baiba from Latvia. Friend of handsome participant you had on your course - Karlis. And I hacked Ilinas password and I am gonna find out every dark detail about your course !!!!!

Anyway greetings from me.... We have a hard work... Read our blog!!!!
www.legonxt2.blogspot.com

Kisses from Latvia ;)

Building the future...2DAY!!!

2008-08-07T02:05:00.003+02:00

Ако се сеќавате на видеото каде група од БЕСТовци беа потпора сами на себе кај Фичо дома, e тоа го сторија и учесниците на Летниот Академски Курс 2008.

Може да забележите дека иако се знаеа САМО 10тина дена веќе имаа доверба едни во други да се согласат на еден ваков предизвик :)
Што ти значела тимска работа :)

А што се случуваше во останатите денови од курсот.... е таа прикаска оставам некој друг да ја раскаже...

CE (Cultural s exchange) LBG Skopje - LBG Rome Tor Vergata

2008-06-09T11:28:00.002+02:00

На втората половина од културната размена Скопје - Рим која се случи овој Мај, поголема група БЕСТ-овци од Македонија ги открија убавините на Рим (ROMA = AMOR) :-).
Секој се забавуваше на свој начин. Имаше посета на знаменитости: the Colosseum, the Aqueduct, the Paletino... (Is this the same house) performance actors "Guarda". Но да се вратиме на македонски. Освен овие работи, имаше опушени активности: кафиња, дискотеки, скари, па дури и Италијанска верзија на кафана. Како што може да се види од видеото, многу убаво си поминавме.
Инаку Италијаните редовно каснеа 2-4 саати на ден. :-) Но сепак нема да им замериме бидејќи надокнадуваат со нивното лудо возење. Па до следната културна размена, уживајте и мислете со која луда БЕСТ група може да се "размениме".

Впечатоци од курсот во Бордо

2008-05-19T22:40:00.003+02:00

Иако сум член на БЕСТ Скопје веќе 3 години, пред околу 3 недели заминав на мојот прв БЕСТ академски курс како учесник. И сега окако се вратив и се стабилизирав, би сакал да споделам како беше во убавата Франција.

Бордо како познат град во винскиот регион аквитанија, годинава организираше БЕСТ академски курс на тема: "See, Taste & fun". Тоа во превод значеше "производство и дегуставија на вино и неговите позитивни ефекти". Времето беше сончево, учениците прекрасни а еден просечен ден изгледаше вака:

07.30 будење
07.50 второ будење
08.10 ставање од кревет
08.30 доручек (најчесто се состои од француски леб, нутела, сок од портокал, житарици, млеко и овошје).
09.00 Предавање на тема - еден од винските региони од Бордо
11.00 Професионално тестирање на 5-10 вина (бело, розе, црвено, слатко итн)
13.00 ручек : сендвичи во француско лепче
15.00 прошетка низ некое интересно место (центар на градот, песочна дина, плажа на океанот или некој замок "Chateau"
20.00 туш
21.00 вечера со вино (секако)
22.00 журка / диско / паб крол / интернационална вечер
02.00 журката продожува во пјанц - барот кој е во склоп на факултетот
05.00 кој сака може да оди на спиење
и продолжува пак од горе :-)

Искорено, јас секогаш им кажував на сите нови членови да одат на крусеви. Но сега откако јас бев на курс, двојно повеќе ќе ги инспирирам сите, млади и стари членови да одат на курс и да го доживеат БЕСТ во вистинскиот дух.

BEST is simply the BEST!!!

Moite tri godishni vreminja vo BEST

2008-05-11T14:55:00.003+02:00

Se naseliv na esen. So tovarot na nekolkute posledni ispiti, dijalektot i poezijata se plashev dali kje se snajdam. Se sekjavam na vedroto dobredojde na Nino, Sofi i Vase- od prviot moment na sredbata vekje znaev deka stravot e bez prichina. Stanav del od semejstvoto so prviot chekor vo BEST- kancelarijata.
Beshe esen i vreme koga se spremashe 'takov-i-takov' BEST- nastan (namerno gi izostavam iminjata zashto tie ne mi se temata). Tuka e ubavo koga se raboti zaradi toa shto se spodeluva se': i obvrskite i zadovolstvoto i solzite i rodendenite... Zashto tuka se' e vo vrska so prijatelstvuvanjeto!
Zimata podrazbira stud, sneg i, doenkade, mrzovolni izrazi na licata na lugjeto. I, povtorno, vo BEST razlika: dinamikata na rabotite se intenzivira, kancelarijata dostignuva neverojatno 50 stepeni celziusovi (:-)), se ukrasuvaat elki, se pravat zabavi, se slavat praznici i seto toa vo zadninata na golemite proekti. I golemite obvrski, pak, mijat race vo prijatelstvoto.
Rascuti prolet. Ovde lugjeto pochnuvam da gi dozhivuvam kako halucinacija-vredni se kako mravki :-). Povtorno proekti... Da si reche chovek: 'Se priznava li ovde zborot 'odmor'?' I vednash dobivam nepobiten argument vo oblik na SMS: '...sobiranka vo kancelarija vo 20h za vo 21h site zaedno da stigneme vo kafeana'. Sleduvashe diskoteka, utredenta dobroutrinsko kafe na kej...
Ovde zhivotot dobiva novo ime: nerazdelni prijateli! Ovde, vozduhot shto go dishime mirisa na iskrenost, sonceto nad nas topli so vedrina... Ovde, navistina, se' e vo vrska so prijatelstvuvanjeto! Pa, duri i odmorot...
Na dvaeset i shest bez neshto jas zaminuvam vo penzija. Prednosta da se bide vo BEST e shto vo isto vreme mozhe da se bide i BEBE i PENZIONER! Pa, zoshto da ne? Kje gi trkam babite i dedovcite! :-)

Dechki, ve sakam site!

Кај Фичо после напорен ден работа

2008-04-26T16:03:00.003+02:00

Каде и да сме, колку и да сме, креативноста, тимската работа и BEST духот е секогаш со БЕСТовци :-D. Секако не може да заврши едно вакво избрано друштво без некоја пратија UNO и многу забава смеење и секако по некоја чашка ракија/пиво. А како ќе се долови најдобро атмосферата ако не преку едно клипче:

Мислите дека е лесно ова да се направи ??? Прифатете го предизвикот и придружете ни се на следниот обид ;-)

Свеченото отварање на JobFair2008!

2008-03-17T15:03:00.004+01:00

Шести BEST роденден!!! :D

2008-03-17T14:41:00.007+01:00

Знаете како велат: една слика - илјада зборови... а едно видео + многу слики ? :)

Фатени во акција

2008-03-16T19:16:00.004+01:00

End the tradition continues....ин Водно

2008-02-26T02:28:00.007+01:00

Досега најголема група на БЕСТ поинт of flight.

Како беше на работна група за ЛАК 08?

2008-02-09T03:03:00.001+01:00

Место: Канцеларија
Време: од 19:00 до...
Начин:Хммммммм...
Причина:Пријавување на летниот курс на БЕСТ-Интернационал
Количина:2л. Горско, 1.5л Боровница, 2 боем коцки,2 поклопени пици и 3 тостови, 1 пакетче сончоглед (виолетово), 1 Нишлијка,
Цел:... уште две минути да ми се симне филмот....

Бестовци во лет

2008-02-02T21:11:00.000+01:00

Има едно место на Водно каде по традиција секогаш се сликаме.

Lizga,lizga, lizganjeeee! ;-)

2008-01-30T22:02:00.000+01:00

JobFair 2008

2008-01-24T23:17:00.000+01:00

Job Fair е саем за вработување и кариера којшто БЕСТ Скопје го организира по четврт пат. Оваа година за прв пат саемот ќе го организираме на две локации: во просториите на Машински факултет и Факултетот за електротехника и информациски технологии (поранешен Електротехнички факултет) и во просториите на Грaдежен факултет и Архитектонски факултет.

Саемот ќе започне на 17 март со свечено отворање и презентација на истражување спроведено помеѓу компаниите, професорите и студентите. Во наредните четири дена во просториите на факултетите (18-19 на ФЕИТ и МФС, 20-21 на ГФ и АФ) ќе бидат поставени штандови каде што судентите ќе можат непосредно да контактираат со претставниците од компаниите.

Web-сајтот за JobFair '08 сеуште се подготвува, во меѓувреме може да го погледнете минатогодишниот сајт.

Причината за организирање на овој настан е недоволната поврзаност на студентите со компаните, и на компаниите со универзитетите. Сакаме да им покажеме на студентите дека не треба да се однесуваат пасивно во барањето квалитетно работно место исто како што компаниите не треба да се однесуваат пасивно во однос на факултетските образовни програми. Овие три субјекти се во заедничка спрега и треба да си помагаат еден на друг.

Лизгање, сликање, пируети, двојни аксели!!!!

2008-01-20T20:17:00.000+01:00

Ееее богами потребно ни беше едно вакво размрдување и освежување у сред сесија!!!!

Сега да не видите, сите што бевме таму станавме те витки, те згодни,те се сликавме, те делевме автограми, те што не :-P

Ај се гледаме пак на лизгање у скоро време!
Поззз!

Фешти во Куманово за Бадник

2008-01-08T15:37:00.000+01:00

Update: Слики

Како што е ред и оваа година Бадник си го прославивме во Куманово. Поведени од празнично расположение и авантуристички дух успеавме да се извлечеме од густата магла и да стигнеме "Kуде тумбе и три бандере" :):):)

Таму не дочекаа гостопримливи Кумановци и сите заедно го обиколивме Куманово, се ижуркавме најБЕСТовски како што знаеме, и што е најбитно од се кај и да се свртиш расни Кумановчанки за нашето БЕСТ друштвенце да има забава за цела вечер.
Предводени од Сања-Кумановка прво отидовме во VERSUS, место слично на Маракана, но по упорната желба на Васе да прави pub crawling, го напуштивме кафичот и отидовме во дискотеката:"Амнезија". Среќа што останав здрава и со добро сеќавање, па можам да споделам со вас некои интересни моменти:):):).

Се орасположивме и изнаигравме, музика во живо а во дискотека ):):) еееее кај го има тоа. Кај и да се свртиш длабоки деколтиња:):):) е да знаете што пропуштивте.
Кога сите се изморивме и огладневме,по инструкции на Мају додека баравме пекара и прв пат дознав дека првата улица десно е всушност петата улица десно :):):)

И на крај не најдовме ништо отворено за да се најадеме. Го прошетавме цел град, а некои и пешки по поројниот дожд и пак си отидовме со празни раце, а можеби и стомаци.
Само Злате знае колку му беше ТЕШКО кога ја враќавме Мају до дома.

Епа дечки следниот пат не мислете се дали да доаѓате или не. Значи кај и да си за Бадник во Куманово да си :):):):):).
Поздрав, Данче.

2008 - година на нови предизвици ;)

2008-01-02T16:46:00.000+01:00

Здравоживо!!!

Почнува уште една нова година.... година во која многу нови малди луѓе ќе бидат допрени од БЕСТовскиот дух; дел ќе му се восхитуваат, дел ќе му се чудат, дел ќе го проживеат само за момент... а дел и ќе му се придужат!!!

Пред нас стојат многу нови настани и задачи кои ќе треба заеднички да ги оствариме. Пред нас стои и промената на генерации... нешто што поминува потајно, незабележливо, а нешто толку битно. Пополека нови дечки доаѓаат на сцена, нови сили со поразлични начини на работа, со поразлични идеи и размислување... како и на кој начин ќе го променат БЕСТовскиот дух... хммм, врмето ќе покаже, но знам дека едно е сигурно - БЕСТ секогаш ќе остане место на пријателство, учење, дружење и совладување на нови препреки!

И така, вчера за време на редовниот состанок, се собравме во новиот кубански бар Bodehuita (www.bodeguita.com.mk) и супер си поминавме. Со многу нови коктели, интересни мезиња (кој би рекој дека ќе јадеш чипс и од моркови, а? :P) и одлична музика. Плус, таму разиграни келнери и келнерки, па сите се фативме на ламбада и макарена ;)

Поздрав!
Васе

Јас и BEST и Јас и BEST таму!

2007-12-21T16:32:00.000+01:00

На дваесет и пет и уште нeшто и на неколку испити и уште помалку до дипломирање јас им пристапив на една дружина млади (всушност, секако помлади од мене) луѓе кои заедно се викаат едно- BEST.
Личен е впечатокот и некако интимен за да го споделам со минимум два милиони потенцијални читатели на текстов затоа одлуката е да си го таам во себе и искрено да изјавам дека убаво е да се помине барем еден ден од животот во таквата... каква е не знам ама, во секој случај, e единствена BEST- атмосфера. За пријателството се раскажува и се’ што се прави во негово име...
Да се изразам инженерски, ако сега стојам на три чекори од координатниот почеток, во точка B, кога ќе го насочам погледот кон него, едвај го пронаоѓам заради тоа што патешествието сплело густа мрежа. Приказната која ми останува да ја создавам, а мрежата која ќе ја плете мојот spider- живот завршува во точката C (определена со x, y, z, и t). Она што сакам да ги разликува O-B и B-C (освен почетокот и крајот кои ги определуваат) е количеството самосвест и чистотата и јаснотијата на нештата кои ме дефинираат. Не е голема работа човек да ја согледа сопствената неопходност во сопствениот живот. Да може се’ сам, а да може заедно- волево, искрено и добронамерно- тој успех е радост по дефиниција!
Она што ме испровоцира да пишувам и нешто што сакам да споделам со кирилично- писмениот свет е впечатокот од вежбањето комуникација претходново попладне.
Се зборува за зборувањето, за помалку и повеќе страните јазици кои ги употребуваме, за разговорот во време кога човекот се претвара во суштество кое се плаши да зборува за сопствените мисли, кога се плаши од сопствените потреби, чувства, а со особен страв гледа кон признанијата- дека нешто мисли и тоа сака да го каже. Што е тоа што не’ исплашило? Ова е клучното прашање со чиј одговор верувам дека се обогати поголемиот дел од присутните на вежбава: каков е одговорот кој го добиваме од околината како реакција на некоја наша акција.
Со незабележлива примена на наивни и обични средства, претходново попладне секој бурична низ сечиј мозок, а никој не го почувствува тоа како нарушување на приватноста.
Зошто се радувам што бев дел од настанов? Заради тоа што тој иницира размислувања кои, еве ги- распламтено јуришаат низ главава и раѓаат нови- за мене во светов околу... Како да направам од себе подобар човек... Можеби утре ќе се разбудам во нов свет- свет на совршена хармонија... Свет на посреќни и подобри луѓе... Свет на чисти и искрени насмевки!